Phal chin ang ni lo Helmet khum mi 50 man tawh

Zonuna Kawlni /

Serchhip-a Traffic Police te chuan lirthei ke hnih nei khalhtu ten Helmet (Protective Headgear) him ngei an khum theihna tura khauh zawka hma an lak hnuah dan zawm lo mi 50 zet an man tawh.
 Serchhip District Superintendent of Police (SP) Gavit Gogna IPS chuan tunhnai khan thuchhuah siamin Dan hrang hrangin a sawi angin Two Wheeler khalhtu te’n Helmet (Protective Headgear) him leh rintlak, ISI mark chuang emaw, Bureau of Indian Standards (BSI)-in a pawm chin leh a tlukpui Helmet tha leh him chin chauh khum tur a nih thu leh Satel Helmet kan tih mai te chu Bureau of Indian Standards phal loh a nih avangin khum loh tur a nih thu a lo chhuah tawh chu tun thla, October 1, 2025 atang khan Ser-chip-a Traffic Police te chuan khauh zawkin an kengkawh mek a. Nimin, Oct. 7, 2025 thleng khan Dan in a phal ang ni lo Helmet (Protective Headgear) khum-a lirthei ke hnih nei khalhtu mi 50 zet an man tawh a, heng mite pawisa chawi tlingkhawm pawh Rs. 36,500/- a tling tawh a ni.

Serchhip-a Traffic Police hotute chuan Helmet chungchang ah hian khauh taka hmalak zui zel a ni dawn tih sawiin, he hmalakna an kalpui tan ni, Oct. 1, 2025 khan mi 19 lai an man thu an sawi a. Tunah chuan mipuite pawhin he hma-lakna hi an zawm tha tial tial tih sawiin, Dan zawm lo man pawh a ni telin an tlem sawt hle tih an sawi a. He Dan zawm lo te chu Rs. 1000/- chawitir bakah Driving License pawh thla thum (3) hren saka hrem theih an nih thu sawiin, mipuite chu an himna tura Helmet khum ngai pawimawh turin an chah bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »