District Planning Committee thutkhawm neih a ni
He thutkhawm Serchhip DC Meeting Hall-a neih ah hian Serchhip SDO (S) Rebecca Laldinmawii Hrahsel chuan sawrkarin programme thar a siam, Mizoram District Transformation Programme chungchang sawifiahin, Planning and Programme Implementation Department in an duan a nih thu leh India Independence kum 100 lawmna atan hmalakna kal zelah kum 2047-ah chuan ‘Transform India’ kan neih theih nana hma a la mek zulzuiin Mizoram Transformation Programme siam a nih thu a sawi a. District tinah District Planning Commttee din niin Serchhip District-ah chuan March 2025 khan din a lo ni tawh a. Chairman-ah District Bawrhsap niin Member Secretary atan Planning and Prog-ramme Implementation Department atangin C. Lalnunsiami ruat a nih thu a sawi bawk.
He thutkhawm ah hian Serchhip Addl. DC Lalrinzuala, Project Director DRDO Dr. Malsawmtluanga Fanchun, SDO(C) Thenzawl K. Lalhlimpuia, DUDO Gaston Vanlalhriatpuia, DC&IO Lalchhanhimi, SDC Dr. Marilyn Lalruatkimi bakah department hrang hrang hotute leh an aiawhte an tel a. District Planning Committee in hma a lak dan tur hrang hrangte, sawrkar Department hrang hrang ten an tih turte in hrilhfiah a ni a. Bawrhsap Paul L Khuma chuan Plan hi a hlawhtlin theih nan Department dang te atanga thawhhona tha (Convergence) a pawimawh thu a sawi bawk a ni.