Chhiahtlang leh Lamchhip inkar kawng siamthatna ah fel lo takin sum hmanna a awm niin hria

Zonuna Kawlni /

Comptroller & Auditor General of India (CAG) report hnuhnung ber chuan Mizoram PWD-in Chhiahtlang leh Lamchhip inkar kawng siamthatna hna a thawhna-ah cheng vbc. 1.67 chu rinhlelhawm leh fel lo takin an hmang niin a sawi.
 CAG Audit Report-a a lan dan chuan Ministry of Road Transport and Highways (MoRTH) chuan kum 2016 September thla khan Central Road Fund Scheme hnuaiah he kawng thawmthatna atan hian cheng vbc. 66.68 a rawn sanction a, e-tender hmanga kalpui turin a rawn ti kherin CAG-in PWD thil chhinchhiah a endikna-ah thil tihdan kaphung lova kalpui tam tak a hmuchhuak a ni. He hna thawhna atan hian Mizoram sawrkar chuan kum 2017 February thla khan cheng vbc. 66.68 hmanga hnathawh remtihna (Administrative approval) pein Chief Engineer (Roads) chuan he hna thawhna atan hian cheng vbc. 60.46 a sanction a. Sawrkarin hnathawk tur a pawm hma hian kum 2017 January thla khan PWD chuan Restricted Tender an lo chhuah a. Contractor an thlan chu kum 2017 April thla khan hna pek niin cheng vbc. 62.16 seng tura hna hi pek a ni a. Kum 2019 February thla khan sum hman tur hi ennawn sak a ni a, cheng vbc. 64.16 a tihsan sak a ni a. Kum 2017 June thla atanga hna hi thawh tan niin kum 2021 September thla khan thawh zawh a ni.

Kum 2022 khan Contractor chu running bill pasarih hmangin cheng vbc. 22.96 pek a ni a. Kum 2018 September ni 25 khan hna enkawltu PWD Division hotute leh Contractor-te inhmuhkhawmna-ah Contractor chuan a kawng laih hrim hrim a zawhfel tawh thu a sawi a. Heti chung hian kum 2022 November thla khan PWD chuan kawng laih hi an teh tha leh a. Hei hi hna thawh zawh hnu kum 4 a nih bakah a vaia zawhfel hnu thla 14-ah a ni a. Tlai khawhnu a an teh nawn leh hnu hian laih belh tura bituk a ni a. Kum 2023 August thla khan Final Bill atan cheng vbc. 1.67 pek belh leh a ni.

CAG-in a ngaihdan chuan hetianga teh nawn leh hi tihdan phung kalh a ni a, a chhan chu kawng laihna kha a hmain paihfai vek tawh a ni si a. Chu bakah ram laknate, leiminte leh e-tender hmanga hna inpek hnu a tihdanglam lehna chungchangah te engmah ziaka dah a awm lova. Chuvangin CAG report chuan kawng laih teh nawn leh a nih avanga cheng vbc. 1.67 sen belh hi sum sen dan dik lo takah a ngai a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »