Rastriya Avishkar Abhiyan hnuaiah Quiz inelna nei
He Quiz Competition hi Special Educator (Secondary) Lalhlimpuia chuan kaihruaiin he hun hmanpuitu Samagra Shiksha-a Deputy DPC PC. Vanlalluna chuan he Quiz Competition-a tel turte lo awmin an zirlaibc-ah finna tam tak a awm thu leh heng te hi an zirlaibu pawnlam ah tihpun theih a nih thu a sawi a. Hei vang hian zirlaiten an hriatna an tihpun theihna turin inelna chi hrang hrangte an buatsaih thin thu leh Zirna In tam tak ten an ngai pawimawh thin chu lawmwm a tih thu a sawi a. Hetiang intihsiakna hi zirlaite tan an hmalam hun atana inbuatsaihna pawimawh tak a nih thu leh mihring ten Thluak kan neih chu a hmang tangkai thiam te tan a tangkai deuh deuh tih a sawi bawk a ni.
.jpeg)
He Quiz Competition hi Elementary leh Secondary School te tana neih niin Science leh Mathematics Subject atangin zawhna siam a ni a. Elementary Section-ah zirna In pali (4) telin Govt. Baktawng M/S chu pakhatna an ni a, lawmman ah Certificate leh pawisafai Rs. 5000/- dawngin pahnihna Govt. Chhiahtlang M/S in Certificate leh Rs. 3000 an dawng a, pathumna Govt. Ramlai M/S in Certificate leh pawisafai Rs. 2000/- an dawn bakah Govt. Chhingchhip M/S ten Consolation Prize an dawng bawk.
Secondary Section-ah zirna In pathum telin Govt. Bungtlang H/S chu pakhatna an ni thung a, lawmman ah Certificate leh Rs. 5000/- dawngin pahnihna Govt. Chhiahtlang H/S in Certificate leh Rs. 3000/- an dawng a, pathumna Govt. JM H/S in Certificate leh Rs. 2000/- an dawng bawk a ni. He Quiz Competition hi School tin atang hian zirlai naupang panga (5) zel tan chhim theih tura ruahman a ni angin zirlai engemaw zat in a hmunah an chhim a ni.