BCM Pastor Bial ten Inkhawmpui zofel

Baptist Church of Mizoram (BCM) chuan nimin Pathianni hmang khan hmun hrang hrangah Pastor Bial Inkhawmpui neiin nizan khan an tiak ta. BCM Pastor Bial hrang hrangte hian Inrinni khan Bial Rorel Inkhawmpui neiin hemi hmalam hian Baptist Mipa Pawl (BMP), Baptist Kohhran Hmeichhe Pawl (BKHP) leh Thalai Kristian Pawl (TKP) te chuan Bial Rorel Inkhawm an nei a, heng atanga thu ngaihtuah tur pawimawh leh Bial Rorel-a ngaihtuah tur hrang hrangte chu Inrinni khan rel a ni. Baptist Church of Mizoram (BCM) Serchhip Pastor Bial Inkhawmpui vawi 36-na pawh nimin Pathianni hmang khan BCM Edenthar Biak In, Serchhip Dinthar Veng-ah neih a ni a, BCM New Serchhip Bial Inkhawmpui vawi 8-na chu BCM Elim Biak In, Chhiahtlang-ah neih a ni bawk.