A thlawna Ha entir theihna tur Minister in a hawng

Health Minister Lalrinpuii chuan nimin khan Civil Hospital, Aizawl-ah ni 2 chhung awh tur a thlawna ha entir theihna hun, Free Dental Camp chu a hawng.

    `Health and Family Welfare Department, Indian Society of Prosthodontics Restorative Periodontics (ISPRP) leh Mission Foundation Movement te tangkawpin an buatsaih Free Dental Camp-ah hian Dubai atangin Professor Dr. Lovely Muthiah Annamma leh Professor dang 3 bakah Asan Dental College, Chennai atangin Internship tilai mi 3 an tel bawk a. Health Minister chuan ram pawn atanga an hun hlu tak senga Doctor thiam tak tak an lokal chu lawmawm a tih thu a sawi a, Mizo mipuite’n he hun hi lo hlawkpui ngei se a duh thu sawiin, a tam thei ang ber inentir turin a sawm nghal a; Mizote’n zuk leh huam kan tih nasat thu sawiin hei hian hlawkna eng mah min pek loh mai bakah natna serious tak tak, Cancer leh a dangte kan vei nasat phah hle zawk a ni tiin zuk leh hmuam leh kuhva laka inthiarfihlim a pawimawhzia a sawi bawk.