Thubuai ziahluh zingah inrawk thubuai a tam

Kumin (2025) chhungin Aizawl District Police Crime Branch-ah thubuai chi hrang hrang 1,286 ziahluh a ni tawh a, heng zingah hian inrawk (burglary) kaihhnawih thubuai a tam ber.

    Crime Branch-a thawkte chuan kumin January ni 1 atanga September ni 21 thleng khan thubuai 1,286 an ziaklut tawh tih sawiin, heng thubuai kaihhnawiah hian mi 1,379 man ni tawhin, chung zinga mi 939 te chu tualchhung mite an nih thu leh midang 428 chu State dang mi niin ramdang mi 12 an tel thu an sawi a. Kumin-a thubuai ziahluh zingah hian inrawk thubuai tam berin thubuai 510 ziahluh a ni tawh a ni. Kum 2020, 2021, 2022 leh 2024-ah te thubuai ziahluh zingah rukruk thubuai tam berin, kumin 2025 leh kum 2023-ah te inrawk thubuai ziahluh a tam ber thung a, kum 2020 hnulamah kum 2022 kha Aizawl District-a thubuai ziahluh tam ber tum niin thubuai 2684 ziahluh a ni.