Supply Minister in Sairang-a Rel Station leh Supply Godown sak mek a enfiah

Supply Minister B. Lalchhanzova chuan nimin khan Sairang Rel Station leh Sairang Dinthar-a FCI Godown sak mek chu tlawhin hnathawh dinhmun a enfiah a, helai hmuna hnathawktute chuan hna hrang hrang thawh mek te dinhmun leh harsatna te an lo thlen a ni.

    He hunah hian Supply Minister chuan Sairang leh a chhehvela hmasawnna lian tak tak intham mek hian a tha zawngin kan ram ei leh bar a nghawng a beisei thu sawiin, “Chutih rualin kawng lehlamah vantlang nun a nghawng dan tur pawh inzirlawk chunga kan lo inbuatsaih a tul hle a ni. Hmasawnna hnathawh lian tak tak ten a ram mi tribal mipuite a nghawng dan hi Ministry of Social Justice & Empowerment (MSJE) chuan a ngaipawimawh em em a, Sairang chhehvela hmasawnna hnathawhte pawh hi kan sawrkar chuan uluk takin a enzui reng a ni,” tiin harsatna an thlen te pawh an umzui tur thu a sawi bawk a ni.