Nakum-ah Oil Palm tharchhuah a pun beisei a ni

Nimin khan Kolasib-ah ‘Mega Oil Palm Plantation Drive 2025’ neiin Kolasib District Oil Palm Growers Meet neih nghal a ni a, kumin a Oil Palm tharchhuah let zet nakum-ah tharchhuah beisei a nih thu tarlan a ni.

Kolasib Venglai Bazar-a ‘Mega Oil Palm Plantation Drive 2025’ leh Kolasib District Oil Palm Growers Meet hi Bialtu MLA leh Assembly Deputy Speaker Lalfamkima chuan hmanpuiin kuthnathawktu, taimakna leh rinawmna nena thawk ten hlawhtlinna an chang thin tih a sawi a, “Vawi lehkhat ah midang angin hlawhtlinna chang nghal thur thur lo mahse an thawhrah chu an tel zel dawn,” a ti a. Kolasib District chhunga Oil Palm ching hlawhtling tam tak an awm chu lawmawm a tih thu sawiin, ching thar leh zel turte pawhin mi hlawhtling te thawhrimna entawn a, hlawhtling tlaka hnathawk turin a chah a ni.

He hunah hian Godrej Agrovet Limited Mizoram-a Sr. Executive Lalruatkima chuan Kolasib District chhungah ram Hectare 798-a zauah Oil Palm chin mek a nih thu sawiin, Farmer 497 awmin farmer 197 ten an rah tharchhuah te an seng mek tih a sawi a. Sawrkar kum kal mek 2025-26 ah FFB Collection-ah cheng vbc. 1.43 man an leisak tawh thu sawiin, kum 2026 ah chuan vbc. 3 man lei sak ngei an tum thu a tarlang a ni.

He hunah hian Khual zahawm Kolasib Robert C. Lalhmangaiha pawhin Kolasib District chu Mizoram leh India ram thlunzawmtu District a nih avanga phai lam nen inthlunzawm a awlsamna chu loneituten an hman tangkai thiam a pawimawh tih a sawi a, Kolasib District ah Oil Palm hriak herna, Refinery din a ni dawn tih a sawi bawk a. He hunah hian Oil Palm tiak chu vailiam nghal a ni bawk.