Serchhip District-ah Handholding policy (Bana Kaih) Scheme dilna hun hawn tan a ni leh ta

Mizoram sawrkar Flagship Programme Handholding policy (Bana Kaih) Scheme chu a thawh hnihna kalpui tur atan dilna hun hawn tan a ni leh ta.
'Bana Kaih Scheme Phase II' hi kar kalta Zirtawpni-a tlangzarh a nih hnuah Serchhip Bawrhsap chuan hemi chungchang ah hian hriattirna tichhuakin Mizoram State sawrkar chuan Handholding policy (Bana Kaih) Scheme thawh hrihna (2nd Phase) chu September 19, 2025 atangin mipuite dil theih turin a hawng leh tih a tarlang a. He Scheme hi mi tam takin dinchhuah pui nan an lo hmang tawhin an hmang mek tih a tarlang a ni. Bawrhsap thuchhuah chuan Dahkham ngailo loan (Collateral-free Loan)/Loan pung awm lo (Interest-free Loan) sawifiahna tarlangin, Dahkham ngailo loan (Collateral-free Loan)-ah hian Sawrkarin thawhpui tlak Project (ruahmanna) neia a ngaih, Progress Partner-ten dahkham ngai lova cheng nuai 250 thleng loan an puk theih nan ruahmanna siam a nih thu leh Loan pung awm lo (Interest-free Loan) hnuaiah hian Progress Partner Project siam chu cheng nuai sawmnga (50) aia tam lo a nih a, eng Scheme/loan pawh ni se bahlah lova a rulh bawk chuan Mizoram sawrkarin Bana kaih (handholding) nan a loan pung zawng zawng a rullet ang tih a tarlang a. Loan atana document ngai zingah Passport Size Photo, Voter ID, Aadhaar Card, Bank Pass Book (Front page Account Opening Date lang tel), Ration Card, Educational Certificate, Tribal Certificate, Residential Certificate, Cibil Score (Bank Proof-Mahni bank account branch neihna atanga lak tur) te a tel a ni.

Chief Minister's Special Package Grant chungchang pawh thuchhuah ah hian tarlangin, hei hi Bank Loan ni ve lovin Progress Partner zingah Bank Loan la thei dinhmuna ding ve lo leh Project leh Bank loan in hnerem ve lo te tana ruahman bik niin a thlawna pek tur a ni thung tih a tarlang a, Ruahmanna (project)-a Rs. 50,000/- chín, a aia tam hman ngai tur a nih chuan CM's Special Package pek theih a ni loh thu leh CM's Special Package dawng tana hmalakna (project) a zawh hma chuan Bana Kaih (Handholding) Scheme hnuaia hamthatna dang a dil thei loh thu a tarlang a. Dil duhte tan Passport Size Photo, Voter ID, Aadhaar Card, Bank Pass Book (Front page Account Opening Date lang tel in) leh Ration Card te a ngai tih a tarlang bawk.

He Scheme dil thei tur hian India khua leh tui dik tak, chhungkaw khat ah mi pakhat tan chauh, kum 60 aia upa lo leh sawrkar a hamthatna nei heng- sawrkar hnathawk nghet (Provisional Employee-PE tiamin) te tan dil theih a ni lo tih pawh tarlangin, Mahni in man chawi lova dil theih niin https://handholding mizoram.gov.in-ah lutin registration leh form te submit theih a ni a. Mahni a ti thiam lo tan document thil tel ngai te khi Xerox copy kengin DC Office, Serchhip (9089482718); BDO Office, Serchhip (9436964882); SDO(C) Office, N. Vanlaiphai (9862727105); BDO Office, E. Lungdar (9612895161); SDO(C) Office, Thenzawl (8413013094) leh Common Service Centre (CSC)-ah te Rs. 250 chawiin document thil tel ngai te nen hian a dil theih bawk a ni.