Serchhip District-ah raltlan mi 785 chhinchhiah tawh

Serchhip District-a raltlan awm te Biometric Data lakkhawm hna chu tluang taka neih zel niin nimin thleng khan mi 785 chhinchhiah an ni tawh.
Serchhip District-a raltlan awm mek te an kutzia leh pianhmang chhinchhiahna tura Biometric Enrolment hi tluang taka kalpui zel a ni a, nimin khan Thenzawl South-ah mipa 10 leh kum 18 hnuailam mi 24, an vaiin mi 34 chhinchhiah leh niin Thenzawl Kanan-ah mipa 6, hmeichhia 5 leh naupang mi 7, an vaiin mi 18 chhinchhiah an nih bakah Zote South-ah Hmeichhia pahnih leh naupang 2, an vaiin mi 4 chhinchhiah leh an ni a. Heti hian kumin July thla atanga Serchhip District-a Biometric Enrolment kalpui mekah hian mi 785 chhinchhiah an ni tawh a, an zinga mi 554 chu Myanmar atanga raltlan niin midang 231 te chu Bangladesh atanga raltlan an ni thung.

Heti hian Biometric Enrolment kalpui tura a tira ruahman lawk chu zawhfel a ni ta a, amahwrawh chu khawl lam atanga harsatna a awm avanga neih theih loh leh harsatna dang avanga neih theih lohna khaw thenkhat ala awm a, heng khua ah te hian engtianga Biometric Enrolment hi kalpui leh tur nge tih erawh hriat a la ni lo thung.