Serchhip-ah VEC ten ni 100 inhlawhna an zirho

Serchhip Rural Development (RD) Block huamchhunga ni 100 inhlawhna, MGNREGA kalpuitu, Village Employment Council (VEC) te an hnathawh dan tur zirhona chu nimin khan Serchhip-ah neih a ni.
BNRGSK Hall, Serchhip P&E Veng-a VEC te tana Training hi Serchhip Bawrhsap leh MGNREGA-a District Programme Coordinator Paul L. Khuma chuan khuallian ni a hmanpuiin VEC te chu dik tak leh fel taka hna thawk a, mipuite hmangaihna leh dawhtheihna nena kaihruai tur leh mahni veng leh khuaa hmasawnna thlentu nih tum theuh turin a chah a ni.

He Training hi Serchhip DRDO Project Director Dr. Malsawmtluanga Fanchun chuan kaihruaiin Rural Development Department, Serchhip-a Officers ten thupui hrang hrang hmangin zirtirna an pe a. MGNREGA chungchang leh tunhnaia ni 100 inhlawhna kalpui dan thil tharte zirho a ni.