Serchhip District Magistrate Paul L. Khuma chuan nimin, Sept. 2, 2025 khan Section 163 of Bharatiya Nagarik Suraksha Sanhita, 2023 tlawh-chhana thupek tichhuakin Serchhip District-ah mi tumah in Air gun/Air Rifle, Silai, Sairawkherh leh hmanraw dang hmangin ramsa leh sava reng reng an vehin an kap/man tur a ni lo tih a tarlang a. He thupek ah hian Serchhip District chhungah tunlai hian mi thenkhatin silai hrang hrang leh hmanraw dang hmangin sava leh ramsa an pel thin tih hriat a nih thu leh heng avang hian ramvak karah inkah palh avanga nunna hial chan pawh an lo awm tawh thin thu tarlangin, kan chhehvela nungcha chi hrang hrang te an chereu mai lova humhalh an nih theih nan leh ramvah avanga nunna chan an awm loh nan he thupek hi chhuah a nih thu a tarlang a. He thupek zawm lo te chu Section 223 of Bharatiya Nyaya Sanhita, 2023 dan hmangin hrem theih an ni dawn a ni.
