Khadi & Village Industries Commission (KVIC) bultumin nimin khan Govt. Serchhip College leh Baktawng khua ah sawrkar laipui Scheme chi hrang hrang inhrilhfiahna leh inzirtirna hun hman a ni. Nimin-a Govt. Serchhip College-a he hun hman ah hian PMEGP chungchang inhrilhfiahna neih a ni a, he hun hi DCIO leh RAMP Staff, Serchhip ten hmanpuiin Govt. Serchhip College-a 5th Semester zirlai mi 80 chuang an tel a ni. Nimin-a Govt. Serchhip College-a hun hman zawh hnu chawhnu dar 2:00 ah KVIC bultum hian Baktawng, Chhuanthar Community Hall-ah Gramodyog Vikash Yojana (GVY) chungchang inhrilhfiahna leh inzirtirna hun hman chhunzawm leh a ni bawk.
