Rel chuang tur tan Bus tlan dawn

Mizoram sawrkar-a Transport Department chuan Aizawl leh Sairang Rel Station inkarah State Transport Bus tlan tir a tum.

Hemi chungchanga Transport Department thuchhuah tarlan danin mipui ten awlsam zawka Rel Service an hman tangkai theih nan Transport Department chuan September 29, 2025 atang hian Aizawl Chaltlang-a Transport Department Complex leh Sairang-a Railway Station inkarah MST bus service tir a tum a, Bus chuanman hi mi pakhat ah Rs. 80/- zel a ni ang. Bus Ticket la duhte tan Transport Complex, Chal-tlang leh MST Booking Counter, Directorate of Transport-ah te lak lawk theih a ni a, Ticket la lawk lo tan Bus Conductor te hnenah Ticket man pek theih a ni ang.

Ruahman ang chuan Bus hi Thawhtanni ah tum hnih tlanin Thawhlehni ah tum thum, Nilaini leh Ningani-ah tum hnih, Zirtawpni-ah tum thum leh Inrinni leh Pathianni-ah tum hnih an tlan dawn a, Rel thlan hun azirin Sairang lam atanga a chhuah hun tur hi a danglam thei dawn a ni.