Serchhip District chhunga ranvulh hrang hrang te chu Registration tih tur niin hemi atan hian Village Council kaltlangin hmalak mek a ni. Hemi chungchang a thudawn danin Serchhip District Bawrhsap chuan ‘The Mizoram Animal (Control & Taxation) Act, 2024 Clause 12 (1) (2) in a tarlan angin Serchhip District chhunga ranvulh zawng zawngte registration tih vek tur a nih thu hi a tarlang a. Hemi ang hian ranvulhtute chu tun thla, September 25, 2025 aia tlai lovah an ranvulh hming, ranvulh thlalak leh a vulhtu hming bakah Address leh Phone number te chu thehlut tura tih an ni a. Tun tumah hian ran zawng zawng ti lovin Ui leh Zawhte-ah hmalak a ni a, Village Council hrang hrangte chuan hemi chungchangah hian hmalakna an kalpui mek a ni.
