Ombudsman (Independent Local Body) Mizoram State lalut

Zonuna Kawlni (LENKAWL) • September 20, 2025 • Comments • Mizoram

Mizoram Larsap General (Dr) Vijay Kumar Singh chuan C. Lalthanmawia IPS (Rtd) chu nimin khan Ombudsman (Independent Local Body), Mizoram State atan a lalut.

Hemi puala inkhawm Raj Bhavan Durbar Hall-a neih ah Chief Secretary H.Lalengmawia chuan Larsap-in Ombudsman atana C.Lalthanmawia a ruatna notification a chhiar chhuak hmasa a. Hemi hnu hian Larsap General (Dr) Vijay Kumar Singh chuan C. Lalthanmawia IPS (Rtd) chu rinawmna thutiam chham tirin Ombudsman (Independent Local Body), Mizoram State atan a lalut a ni.

Ombudsman (Independent Local Body), Mizoram State atana lakluh tak C. Lalthanmawia IPS (Rtd) hi February ni 12, 1965-ah piangin thiamna lamah BA, LLB degree nei a ni a. Kum 1989 khan Mizoram Police Service zawmin, kum 2022 khan Indian Police Service (IPS), AGMUT Cadre (Mizoram Segment) ah hlankai a ni a. Mizoram Sawrkarah mawhphurhna pawimawh tak tak chelh tawh thinin DIGP hna te pawh alo chelh tawh a. Kum 2012 khan President Police Medal For Meritorious Service dawngin, kum 2020 khan President Police Medal For Distinguished Service a dawng bawk a. Feb. ni 28, 2025 khan superannuation pension-in a chhuak a, Aizawl Tuikhuahtlang-ah an cheng mek a ni.