DSWO Office leh Working Women Hostel hawng

Social Welfare & Women and Child Development Department changtu Commissioner & Secretary Lalzarmawii chuan nimin khan Saitual District-ah District Social Welfare Office, Staff Quarters leh Working Women Hostel (Sakhi Niwas) a hawng a, DSW Office leh Staff quarters hi Saitual Dinthar Veng-ah September, 2023 khan sak tan a ni a, nimin khan zawhfel niin hawn nghal a ni a, cheng nuai 111.12 sen a ni. Sakhi Niwas (Working Women Hostel) hi Women and Child Development hnuaia hmeichhia khualkhuaa hnathawk emaw, lehkhazir-a awm te emaw, hna avanga training neia awm emaw ten him tak leh thlamuang taka chenna hmun an neih theihna tura buatsaih a ni bawk.