Observation Home thar hawng

Thingdawl ICDS Complex-ah Kolasib Observation Home sak thar chu nimin khan Social Welfare, Women and Child Development Department changtu Commissioner & Secretary Lalzarmawii chuan a hawng.

September ni 28, 2023 atanga Rs. 87,45,000/- senga sak Kolasib Observation Home hi nikum June 30 khan sak zawh niin Superintendent Office leh Home te chu chhawng khat ve ve-a sak a ni a, naupang 25 te awm theihna tur niin hna thawktu, Executing Agency chu Women and Child Development Department an ni.

Women and Child Development Department Director Zoramthangi Chhangte kaihhruai he hunah hian Commissioner & Secretary chuan Observation Home chu naupang dan nena inrem lo ten ngai awh-a kawng dik an lo zawh a, insiam-thatna an lo neih theihna hmun tur a nih thu a sawi a. “He Home-ah hian naupang te chu an thil tihsual hriatsak reng lovin, anmahni chawikânna tur thil hrang hrang buatsaih a ni,” a ti.

Observation Home-ah te hian naupang kum 18 thleng awm theih niin Naupang enkawl dan - Psychosocial Counselling chu Counsellor te kaltlanga pek an ni a. Case Work- anmahni leh Family background zirchianna te neih thin niin Individual care plan te, Medical Care te, Recreational activities te thlenga kalpui a ni.