Volleyball-ah Team 82 an tel dawn

Mizoram Volleyball Association (MVA) buatsaih Inter-Village Volleyball Tournament khelh turah Mipa Team 68 leh Hmeichhia Team 14 an tel dawn a, October 1 khian khelh tan tur a ni ang.

October 1-10, 2025 chhunga R. Dengthuama Indoor Stadium, Mualpui-a khelh tur Inter-Village Volleyball Tournament-a tel turte tana hming pekluh theih hun hi Ningani zan khan tawpin VC/LC pakhat atangin Mipa leh Hmeichhia Team pakhat ve ve zel tel theih a ni a, Mipa-ah Team 68 leh Hmeichhia-ah Team 14, a vaiin Team 82 ten tel turin hming an pelut a ni. Kumin hian kum hmasa lam aiin tel an tlem dawn niin a lang a, kum 2023 khan Mipa Team 80 leh Hmeichhia Team 27, a vaiin Team 107 an tel a, kumin hian Team 72 chauh an tel dawn thung a ni.