MUHCS-a inziahluh hun hawn belh a tawp leh ta

Mizoram Universal Health Care Scheme (MUHCS) hnuaia inziaklut duhte tana hun hawn belh chu nimin khan a tawp leh ta a, he thu buatsaih lai thleng hian MUHCS-a inziaklut chu mi 31,263 tling tawhin MUHCS-a Bill pekchhuah tawh chu cheng vbc. 42.06 a tling tawh bawk.

MUHCS ah hian kumin June thla thleng khan inziahluhna hun hawn niin August thla ah rate pangngai aia sangin hun hawn leh niin hei hi nizan khan a tawp a. He thu buatsaih lai thleng hian MUHCS-a inziaklut chu mi 31,263 tling tawhin hei hi la pung leh hlek tura beisei a ni.

MUCHS hnuaiah hian damlo inenkawlna Bill an dawn apiang chu seniority-a check nghal niin Bill approved apiang chu kartin a hlawma pekchhuak zel a ni a. Private Hospital bill chu pekchhuah hmasak niin a hnuah Public Hospital bill siam leh nghal thin a ni a. Bill pek hun hi bill sibmit atanga ni 30 chhung tih ni mah se, kartin pekchhuah zel a la ni tih Health Care Society hotute chuan an sawi a ni.