MSPMC Pre-Construction Meeting hmasa ber nei

Mizoram State Project Monitoring Committee Pre-Construction Meeting hmasa ber chu niminpiah khan neih a ni.

Planning & Programme Implementation Department Conference Hall-a MSPMC Pre-Construction Meeting hmasa ber hi MSPMC Secretary Er. Lalthanzuala Ralte chuan kaihruaiin he thutkhawm hi MSPMC General Body Meeting vawi 6-na in ‘Tun atanga Mizoram State project thawh tur reng reng te chu Nodal Department te, Executing Department te, Contractor leh Project affected areas chhunga Prominent Citizen remchang te nen Pre-Construction Meeting hi neih thin ni tawh se’ tia an rel bawhzuia neih a ni a. He hunah hian Construction of Working Women Hostel ZMC, Falkawn; Construction of Working Women Hostel Thenzawl leh Construction of Central Warehouse, Muallungthu-a hnathawh kal mek uluk taka en ho a niin hna chhunzawmna tura pawimawh hrang hrangte rel a ni bawk.

He thutkhawmah hian MSPMC member 10 leh MSPMC Official te bakah heng Project-a Nodal Department, Executing Department official te, a hna thawktu Contractor Engineer an kal tha hle. MSPMC chuan Mizoram ro hlu, Project hrang hrang thawh tur reng rengah tun atang chuan hna tan a nih hmain Project ruahman ang tak leh Quality tha thei ang bera hna zawh a nih a, a hman zui leh zel dan tur thlenga ruahmanna fel tak siama kalpui zel a tum a. MSPMC Member te, Department Official te leh Contractor lam atanga kal te pawhin Mizoram a Development hnathawh tur a bul tan atanga MSPMC-in hetianga a vil hna a thawk hi tha an tiin, rah tha tak a chhuah ngei an beisei thu an sawi a ni.