Hriselna ngai pawimawh turin hmeichhia te chah

Health Minister Lalrinpuii chuan hmeichhia ten an hriselna an ngaih pawimawh zual a tul thu a sawi.

Sawrkar laipui hmalakna Swasth Nari, Sashakt Parivar Abhiyaan tihhlawhtlinna pakhat atana RIPANS buatsaih ‘Free Medical & Health Camps’ hawnna nimin-a Salvation Army Conference Hall, Zemabawk-a neih a hmanpuina ah Health Minister chuan Hmeichhia te chu chhungkaw innghahna bulpui pakhat an nih thu leh Hmeichhe hrisel chuan chhungkaw hrisel a ken tel tlat avangin an hriselna an ngaih pawimawh zual a ngai hle tih a sawi a. Tunlaiah Non-Communicable Disease kan tih - Thisen sang, Zunthlum leh Hypertension kan neih leh neih loh te kan in check uluk a ngai tih sawiin, hetiang hian nunna tam tak a lak tawh avangin kan ei leh in kan fimkhur a, a khat tawka kan taksa hriselna dinhmun diktak hre tura test kan neih thin a that thu a sawi bawk.

He hunah hian RIPANS Director Dr. Sanjay D Sawant chuan inlawmna thu sawiin, hetiang Health Camp hi vawi 10 lai neih an tum thu a tarlang a ni.