Lirthei chesual-ah mi pathum an boral

Nizan hmasa zanlai vel khan Siaha atanga Aizawl pan Car pakhat chu Tuipui ‘D’ atanga Darzo lam BRTF Quarry hlui bulah chesualin kawng-thlang ah a tlanliam a, he Motor-a chuang mi pathum te an thi vek. Thudawn danin he Motor-ah hian mi pathum chuangin Mizoram Home Guard-a tang, an kaisanna tur Exam hmachhawn tura kal te an ni a, chetsualna hmunah hian S. Vakia (48) s/o K. Khokha, Siaha Meisatla leh H. Lalramthlenga (53) s/o Buanner-a New Siaha te chu an boral nghal a, midang pakhat LB. Roluahpuia (45) s/o K. Lalhmuaka, Tuipang chu hliam na tak tuara lakchhuah niin Hnahthial Damdawi In panpui a nih hnuah a boral a, an ruang hi nimin vek khan Postmortem niin an khua ah theuh lak an ni.