Kumthar 2026-ah sawrkar chawlh ni 28 awm dawn

Mizoram sawrkar chuan kumthar 2026 atan Mizoram Sawrkar hnuaia thawktute tan Office Chawlh Ni (Holiday) siam thar leh ta a, heng bakah hian Inrinni leh Pathianni zawng zawngah Office khar a ni bawk ang.
Sawrkar thuchhuah tarlan danin kumthar 2026-ah hian sawrkar chawlh ni 28 awm tura ruahman niin heng zinga ni 5 te Inrinni leh Pathianni-a tla te a ni a. January-ah ni 1 leh 2 te chawlin Missionary Day (January 11) leh Republic Day (January 26) te pawh chawlh a ni ang. February thla ah ni 20, State Day chauh chawlh awmin March thla ah ni nga lai chawlh a awm thung a, heng te hi Holi (4), Chapchar Kut (13), Id-ul Fitr (21), Ram Navami (26) leh Mahavir Jayanti (31) te a ni.

April thla ah ni 3, Good Friday chawlh awmin May thla ah ni 5 (Buddha Purnima) leh ni 27 (Id-ul–Zuha (Bakrid)) te chu chawlh a ni ang. June thla ah ni 15 (YMA Day) leh ni 26 (Muharram) bakah ni 30, Remna Ni te chawlh a ni ang. July thla ah sawrkar chawlh ni khat chauh awmin July 6-a MHIP Day a ni a. August thla ah ni hnih chawlh awmin ni 15 (Independence Day) leh ni 26 ( Id-e-Milad) te a ni.

September ni 4 chu Janmashtami niin he ni hi chawlh ah puan a ni bawk a, October thla ah Mahatma Gandhi’s Birthday (Oct. 2) leh Dussehra (Oct. 20) te chawlh ni bawkin November thla ah Diwali (Nov. 8) leh Guru Nanak’s Birthday (Nov. 24) te chu chawlh ah puan a ni a. December thla ah Krismas vuakvet, Deceember 24, 25 leh 26 bakah Kumhlui thlah ni, December 31 te chu Pisa chawlh ah hian puan a ni bawk.

Heng bakah hian Restricted Holiday ni 34 siam a ni bawk a, sawrkar hnathawk zawng zawng te chuan Restricted Holiday tarlan zing atang hian ni hnih (2) chawlh an nei thei anga, tul bik thil a awm a nih loh chuan thuneituten an phalsak thin ang. Dilna hi chawlh an tum ni hma ngeiin ziakin thuneitute hnenah an thlen tur a nih thu sawrkar thuchhuah chuan a tarlang bawk a ni.