Dan lova kuhva phurh khap

Serchhip District-ah dan lova kuhva lakluh leh phurh khapna thupek tihchhuah thar a ni.
Hemi chungchanga Serchhip District Magistrate Paul L. Khuma’n September 25, 2025-a thupek a tihchhuah ah Serchhip District chhung khaw hrang hrangah dan lova kuhva phur lirthei an kal thin tih hriat a nih thu tarlangin, Serchhip District chhungah dan phal loha kuhva phurh a lo tawp theih nan Section 163 of Bharatiya Nagarik Suraksha Sanhita, 2023-in thuneihna a pek angin 'Serchhip District chhung khawi hmunah mah dan lova kuhva lakluh leh phurh phal a ni lo' tih a tarlang a ni.

He thupek hian thu leh awm hma chuan chhuah a nih, Sept. 25, 2025 atanga thla hnih (2) chhung a huam anga, thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang tih tarlan a ni bawk.