Vice President thlanna neih a ni
India ram Vice President 15-na thlanna atan hian nimin khan New Delhi-ah Vote thlak a ni a, he inthlanna ah hian Electoral College-ah Lok Sabha MP 524 leh Rajya Sabha MP 238, an vaiin MP 781 an awm a, nimin tlai-a Vote thlak zawhfel a nih hnuah nizan dar 6:00 khan Vote tla te hi chhiar nghal niin BJP kaihhruai NDA Candidate C. P. Radhakrishnan chuan Vote 452 (60.10%) hmuin Congress leh an thawhpui, Indian National Developmental Inclusive Alliance (INDIA) te thlawp Independent Candidate B. Sudarshan Reddy chuan Vote 300 (39.10%) a hmu thung a ni. He inthlanna ah hian Vote nei thei 781 awm ah Vote 767 tlain Biju Janata Dal (BJD) MP pasarih, Shiromani Akali Dal (SAD) MP pakhat leh Bharat Rashtra Samithi (BRS) MP pali ten bakah Independent Member pakhat ten vote an thlak lo thung a ni.