IAS ten ennawn leh duh

Zonuna Kawlni (LENKAWL) • September 10, 2025 • Comments • Mizoram

Mizoram IAS Association chuan Commerce and Industry Department Director atanga Maria CT Zuali, IAS (SCS:2014) sawnchhuah a nih chungchangah Chief Minister leh Minister-te hnenah Memorandum thawnin, Maria CT Zuali IAS chu ama thawhpuite ngei intelkhawmin hêka sawnchhuah an phut avangin ni 1.9.2025 khan Sawrkar chuan Special Secretary, Department of Fisheries ni turin sawn a nih thu leh 4.9.2025-ah Secretary, Horticulture Department chelh turin sawn leh a nih thu an sawi a. He thil hi Mizoram IAS Association chuan ngun taka thlirin, “A hnuaia thawkten an hêkna hi thudik behchhan a ni nge ni lo tih enfiahna (enquiry) lak pawh awm lova hetianga Senior Officer lakchhuah hi hun lo kal zel atan thil tha niin kan hre lo,” tiin hun lo kal zel tur thlirin he thupek hi ennawn leha dahlet leh nise an duh thu an thlen a ni.