Ex-MNA ten a tawp thlenga FCAA dodal an tum

Ex-Mizo National Army Association (Ex-MNA) General Hqrs. chuan ZPM sawrkarin Forest Conservation Amendment Act (FCAA), 2023 Official Resolution a adopt chu Parliament-in Dan a siam atanga Mizoram min humhim bikna, Article 371(G) palzuta, remna thuthlung engmah lova chantirna ah an ngai tih sawiin, an duh loh thu nimin khan thuchhuah siamin an tarlang a. “Mizoram hmasawnna tur thenkhat atan FCAA 2023 hi a pawimawhna remchangah hmang lian luiin; Mizoram leilung hausakna vai hnena hralhah kan ngai a, Mizoram chhunga cheng zawng zawngte leh Mizote tan a him lo takzet kan ti a, kum 20 chhung Mizoram tana lo rammu tawhte hian a tawp thlengin kan dodal tlat dawn a ni,” tiin Joint Civil Society of Mizoram (JCSM) ten he dan dodala sut leh tura an hmalak mekna chu lawmawm an tih thu leh a tawp thlenga an thlawp tlat dawn thu an sawi bawk.