Hmuntha Zau Lo zawhpui Minister te hovin neih a ni
Association of Tour Operators Mizoram (ATOM), Tourism Department leh Agriculture Department te tangkawp in an butasaih Lo Zawjpui ah hian Agriculture Minister PC. Vanlalruata chuan loneituten hlim taka Lo zawhna hun an hmang thei chu a lawmpui thu sawiin, a Bial chhunga Hmuntha khua chu khaw taima tak an nih thu leh Tourism Department ten hma thar lakna tlak an ni tih hriaa ruahmanna an siamsak avang leh Home Stay sa tura hma an lakpui avangin lawmthu a sawi bawk.
Tourism Minister Lalnghinglova Hmar pawhin khualzin mite hip nan Lo Zawhpui hi tangkai taka hman theih a ni tih sawiin, “Keini in ngaia kan neih hi State pawnlam mi, khualzinte tan thil hmuhnawm tak a tling thin,” a ti a. Tawitlang chu Tourism hmun atana puan a ni tawh tih sawiin, Khualzin ten an tlawh chak theih nana chei a nih tur thu leh India ram hmelhriat khawpa chei tuma ruahmanna an neih mek thu a sawi bawk.
He hunah hian Tourism Department Director R. Lalrodingi pawhin Mizo nuna bet tlat Lo Zawh chu tunlai mil deuha tih theih a ni em tih an enchhin tawh thu leh zawngchhang tlak ni a an hriat thu a sawi a, “Nakin-ah chuan State pawn atanga rawn chhimtute pawh an la awm zel turah kan beisei a ni,” a ti bawk.
Nimin-a Hmuntha Zau Lo Zawhpui-ah hian Agriculture Director R. Lalnunzira chuan inlawmna thu sawiin, Hmuntha VCP P. Lalri-nchhana pawhin Lo Zawhpui buatsaihsaktu te chungah lawmthu a sawi bawk a. Agriculture Secretary Ramdinliani, SYS Jt Secretary H. Dolianbuaia bakah sawrkar Department hotu ten he hun hi an hmanpui bakah Lo neitu mi thahnem takin telin hun hlimawm tak an hmang a ni.