DAY-NULM hnuaia Serchhip a hmalakna thlirho

Nimin khan Serchhip-a DAY-NULM hnuaia District Executive Committe chu thukhawmin DAY-NULM hnuaia hmalakna kal mek te an thlirho a ni.
He thutkhawm Serchhip DC Meeting Hall-a neih hi Bawrhsap Paul L. Khuma chuan kaihruaiin Serchhip District Hospital ram-a damlo awmpuitute tana riah theihna tur hmun, Patient Attendants Shelter sak mek leh Family Shelter thawmthat (refurbishment) hna thawhte chu thlirho niin an hnathawh dan te an sawiho nghal bawk a. Department lamin Contractor hna thawh leh an thlen chin te report pe in Contractor te hnathawh chu lawmawm an tih thu leh hna chak zawka an thawh zel theih nan running bill 45% siamsak a thuneitute lamah thehluhsak nise tih chu pawm a ni a. Family Shelter siamthat hna pawh chhunzawm vat a nih theih nan hmalak nise an ti bawk.

He thutkhawm ah hian Member Secretary leh DUDO Gaston Vanlalhriatpuia, District Commerce & Industries Officer Lalchhanhimi bakah MRB Serchhip, PWD, CMO, Area Level Federation aiawh leh DUDO-a thawkte an tel a ni.