CM Special Package semchhuahna hun hman a ni

Zonuna Kawlni (LENKAWL) • September 9, 2025 • Comments • Mizoram

Ninin khan Aizawl Vanapa Hall-ah AH&Vety Department hnuaia Progress Partner te tan Orientation Training leh CM Special Package semchhuahna hun hman a ni a, he hun hi Planning &Programme Implementation Department-a Secretary Lalmalsawma Pachuau IRS chuan khuallian nia hmanpuiin Bana kaih (Hand Holding) Scheme hnuaia CM Special Package dawngtute chu ‘Beneficiaries’ ti lova ‘Progress Partners’ an tih thu leh hei hi Mizoram hmasawnna tura Sawrkarin thawhpui atana a thlanchhuah te an nih vang a nih thu a sawi a. Chuvangin sum harsatna karah pawh installment-a in pe lovin,a hlawmin vawikhatah an pek vek thu leh Sawrkarin thawhpui atana a rin ngam ang a anmahni pawhin rinawm takin an pawisa dawn te a hmanna tur dik takah hmang turin sawrkarin a beisei tlat thu a sawi a ni. Tun tumah hian Progress partners mi 203 te hnenah Orientation Traiing hi pek niin an sum dawn tur hi DBT in an account-ah nimin khan thunluh vek hman tum a ni.