Central Secretariat Service Section Officer te rawn kal
Central Secretariat Service-a Section Officer te hi Bawrhsap paul L. Khuma hova lo dawnsawn niin Mizoram chhunga sawrkar laipui hmalakna an kalpui dan te, State sawrkar leh District inrelbawl dan kal-phung te, mipui mimir zinga a tha zawng leh tha lo zawnga nghawng a neih dan te, Mizo culture leh history te leh tul dang pawimawh apiang an rawn zir dawn a. Nimin-a DC hova Meeting-ah hian DRDO, PHE, PWD, DEO, Agriculture, Horticulture leh Industries Officer te an tel a. Central Scheme hrang hrang Serchhip District-a an kalpui dan inhrilhhriatna hun an hmang a ni.
Training tura lo kal Section Officer te hi Central Secretariat, New Delhi-ah Under Secretary-a kaisang tawh tur an nih avangin training turin Mizoram-ah an lo chhuak a. Field Visit te neiin hmun pawimawh hrang hrang te an tlawh dawn a. September ni 15 khan Mizoram rawn thlengin Group hnihah an inthen a. Group khat hi Serchhip District chhungah September ni 23 thleng an cham anga, Group pakhat dang hian Champhai District an tlawh thung dawn a ni.