Basketball thiam tan Mizoram Territorial Army-ah

WATO Trust buatsaihin October ni 17, 2025 khian Mizoram-ah Basketball inelna neih a ni dawn a, heta tha zual thlanchhuah te chu Mizoram Territorial Army-ah lakluh an ni ang.

    He thu hi nimin-a Aizawl Press Club-a thuthar thehdarhtute an kawmnaah WATO Trust Business Strategist Asomi chuan sawiin, WATO Trust chu khawvel pum huapa NGO a ni tih a sawi a, India-a ruihhlo dona Awareness programme bultanna atan Mizoram chu thlangin October ni 14 khian a hawnna atan Basketball Match buatsaih a ni dawn a, October ni 17-ah Falkland Park-ah ‘Event: 3X3 Basketball Tournament’ neih a ni dawn a, Under-21 leh Senior Category awmin player tha zual thlanchhuah te chuan pawisaifai dawngin WATO Trust chuan One-year Scholarship a pek dawn bakah Mizoram Territorial Army chuan player tha zual an lalut dawn bawk a, a duh apiang tan Ph. No. 87945 77126-ah a in register theih tih a sawi bawk. Hei bakah hian October ni 18 zan dar 7:00-ah Rajiv Gandhi Stadium-ah Exhibition Football Match neih a nih dawn thu leh he hun hi Larsap pawhin a telpui dawn thu a sawi bawk.