Aizawl Smart City Ltd. a thawktute Minister in a fuih

UD&PA Department changtu Minister K. Sapdanga chuan Aizawl Smart City Ltd. chu pawhsei zel tlak ni tura tan la lehzual turin thawktute a fuih.

UD&PA Minister hian niminpiah khan Aizawl Smart City Ltd. Office tlawhin Aizawl Smart City Ltd. hnuaia Project hna kal lai mek te hnathawh dan a thlirpui a, Aizawl Smart City Ltd. chu Ministry atanga a tawp tawh hnuah Mizoram sawrkar chuan kum khat atan, March, 2026 thleng a pawtsei tih sawiin, pawhsei zel tlak ni tura tan la lehzual turin Aizawl Smart City Ltd hnuaia hnathawktute chu fuihin, kan hnathawh a lungawi thlak loh chuan tihtawp mai theih a nih thu a sawi bawk. Minister chuan hun bituk chhunga project zawh hman pawimawh thu pawh sawiin, Smart City Project te thawh zawh a nih hunah Aizawl mipuite pawhin nasa taka an tangkaipui dawn avangin lawmawm a tih thu a sawi bawk.

He hunah hian Smart City CEO CC. Lalchhuangkima chuan Smart City hnuaia project hna thawh mek 16 te dinhmun tlangpui report pein project tam zawk chu March, 2026 chhunga thawh zawh hman an inbeisei thu te, hmanraw thenkhat, Mizoram pawn leh India ram pawn atanga lakluh ngai chuan beisei aia hun a duh rei thin avangin an project tlem azawng chu hun bituk chhunga an zawh theih loh tur thu a sawi bawk.