Aizawl by-pass kawng laih titawp turin ngen

Centre for Environment & Social Justice chuan Aizawl by-pass kawng laih mek leivungin Aizawl leh a chhehvela mihring nuai 3 atanga nuai 4 te leh ranvulhte nunna hnar a tihchhiat nasat avangin hnathawh chawlhtir turin thuneitute an ngen. Centre for Environment & Social Justice thuchhuah tarlan danin Aizawl by-pass kawng laih mek vungin Tlawng leh a fintu lui a tih nut dan leh ramngaw a nghawng dan chu tha lo an tih thu sawiin, Divisional Forest Officer (DFO), EF&CC Govt. of Mizoram hnenah Aizawl by-pass Road khawthlang lama laih mek chu khawtlai lova titawp turin an ngen a ni. CE&SJ chuan Aizawl khawpui nunna hnar, Tlawng lui chu leivunga a khah tawh vangin lui kuang a pawnlang tawh tih sawiin, Thal-ah a kangchat titih a. Fur-ah lui kuang a pawnlang vangin tui a lian hma hlea a. Bypass kawng aiin mipui nuai 3-4 tui in tur a pawimawh zawk tih an sawi a ni.