Aadi Karmayogi Abhiyan inzirtirna kalpui mek a ni

Sawrkar laipui hmalakna a Tribal Area bikah chak taka sawkar inrelbawlna kalpui a nih theih nan mi nuai 20 chuang hruaitu tha ni thei tura chherchhuahna tura hmalakna, Aadi Karmayogi Abhiyan chungchang inhrilhhriatna chu nimin khan Siaha, Lawngtlai, Lawngtlai leh Mamit District-ah neih a ni.

District Level Orientation Training on Aadi Karmayogi Abhiyan heng District ah te hian DC Conference Hall-ah neih niin India ramin kum 2047 a Ram Intodelh (Vikshit Bharat-2047) nih a tumna kal zelah Sawrkar Laipui chuan ram pumah hmasawnna tluantling a awm theihna turin Tribal te hmasawnna a ngai pawimawh hle a, Ruahmanna tam tak a neih zingah Aadi Karmayogi Abhiyan pawh chu a tel ve thu tarlan a ni.

Aadi Karmayogi Abhiyaan-in a tum ber chu Tribal Area bikah chak taka sawkar inrel-bawlna kalpui a nih theih nan mi nuai 20 chuang hruaitu tha ni thei tura chherchhuah a ni a, Ministry of Tribal Affairs chuan Tribal Area a ngai pawimawhin hriselna kaihhnawih (healthcare), zirna (education), hmasawnna ruhrel (infrastructure) leh Sector dang hrang hrangte tha tawklo angin lang mahse heng Sector hrang hranga hma-sawnna tur sawrkar scheme tam tak a awmsa a. Chutiang Tribal Area tana hamthatna awm angte a tam thei ang bera dawn a nih theih nana uluk lehzuala chak taka sawrkar inrelbawlna kalpui a nih theih nana sawrkar mi leh sate leh a thawh-puite training hmanga infuihtharna leh mipuite tana chhenfakawm ni tura inchherchhuahna hun neih chu a tum ber a ni. Aadi Karmayogi Abhiyan thawhkhatna (Phase-1) ah hian Mizoram District 11 zingah 8-ah kalpui a ni dawn a, District Level Master Trainer Block Nodal Officer leh Civil Society Organization/NGO te pawh an thawhpui tur hian ruatin Perspective Action Plan te pawh siamin hmalak a ni ang.