Skill Development Training chhuakte Certificate hlan

Zonuna Kawlni /

Mizoram Building & Other Construction Workers Welfare Board Member-te tana LESDE Department-in a buatsaih Skill Development Training chhuakte hnena Certificate hlanna hun chu nimin khan Aizawl-a LESDE Conference Hall-ah neih a ni a, he hunah hian LESDE Department Director John Tanpuia chuan training chhuak mi 45-te hnenah Certificate a hlan a, General Duty Assistant Course-ah (Healthcare Sector) Mission Foundation Movement (MFM) hnuaia Skill Development Program kaltlangin a thlawnin training pek an ni a. Tun tuma zirchhuak mi 45 zingah mi 14-in Private Hospital leh Home-Based Caregiver hna an thawk mek tawh a, Japan-a kal turin mi 5-in tawng an zir mek a, Singapore-a kal turin mi 8 an inbuatsaih mek bawk.

MFM hnuaia Skill Development program kaltlangin mi 12,554 hnenah thiamthil zirtirna pek tawh niin, mi 7,342 chu hna hmuhsak an ni tawh a. Healthcare sector bikah GDA leh Geriatric care-giver mi 1500 train chhuah tawh an ni a, heng zingah hian Japan-ah mi 28 hnathawk turin an kal tawh a, Singapore leh Macau-a kal mi 100 chuang an awm tawh a, private hospital hrang hrangah mi 200 vel an thawk mek a, home-based a thawk mi 250 chuang an awm bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »