Project BLOOM hmalakna zirho turin chhawpchhuak

Zonuna Kawlni /

Lunglei District Bawrhsap kaihhruainaa Lungsen Aspirational Block huamchhunga nu leh naupang hriselna atana hmalakna, ‘Project BLOOM’ chu NITI Aayog hnuaia Aspirational District & Block Programme hnuaia hmalakna tha zual zingah thlanchhuah niin, niminpiah khan New Delhi-a Vigyan Bhawan-a 'Best Practices Seminar'-ah zirho atan chhawpchhuah a ni.

Lunglei DC project, ‘Project BLOOM’ (Better Living through Outreach, Optimal Maternal & Child Health) hi India ram puma Aspirational District 329 leh Aspirational Block 500-a hmalakna tha zual, Seminar-a zirho tura thlanchhuah 19 zingah a tel a. Lunglei District Bawrhsap Navneet Mann chuan 'Project BLOOM' hmalakna leh a hlawhtlinna te tarlangin, India ram hmundanga kalpui ve theih a nih dan turte leh hlawhtlinna nasa zawk a awm theih dan turte Seminar-ah hian sawiho a ni bawk.

Project BLOOM hi NITI Aayog hnuaia Aspirational Block Programme-in hriselna leh chaw tha (health & nutrition) chungchanga hmasawnna tehfung a duan hrang hrangah Lungsen Block-in hma a sawn theihna tur leh zaa za (100%) tihhlawhtlin a nih theih nana ruahman niin, June ni 17, 2025 khan kalpui tan a ni a. He Project hnuaiah hian nu nau paiin damdawi In ngeiah nau a neih theih nan inzirtir niin, damdawi In pan harsat te leh mamawhte tana koh theih lirthei 'SafeWombWheels' ruahman a ni a. Nau nei tur leh buaipuitute lo chawlh lailawkna khualbuk, 'Maternity Waiting Room' siam niin, chaw tha an dawn ngei theih nan ruahmanna siam a ni bawk a. Raipuar an nau pai atanga thla thum (3) chhunga inziak-lutte hnenah 'BLOOM Gift Basket' pek niin, In tin tlawhchhuaka inzirtirna leh inchhiarna te, hri danna pek beihpui thlak leh hriselna lama thawktute training pek te pawh kalpui a ni. Lungsen Block-ah hian VC 24, chhungkaw 3,903, PHC pakhat, HWC 7 leh Health Sub-Centre pakhat a awm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »