CADC by-election ah ZPM Candidate thlangtling

Chakma Autonomous District Council (CADC)-a Kamalanagar West MDC Bial-a by-Election neih ah ZPM Candidate Dinesh Moy Chakma chu thlantlin a ni.

Kamalanagar West Bialtu MDC Sanjeev Chakma boral avangin State Election Commission (SEC) ruahmanna in he Bial-ah hian by-election hi neih niin tunkar Nilaini, August 6, 2025 khan vote thlak a ni a, inthlannaa vote tlate hi nimin khan Lawngtlai DC Office-a Counting Hall-ah chawhma dar 10:00 atang khan chhiar niin ZPM Candidate Dinesh Moy Chakma chu Vote 724 hmuin thlantlin a ni.

He inthlan ah hian BJP Candidate Joydeep Chakma chuan Vote 715 hmuin ZPM Candidate nen Vote 9 in an inthlau a, MNF Candidate Rupayan Chakma chuan Vote 74 hmuin Indian National Congress (INC) Candidate Kalpana Chakma-i chuan Vote 21 a hmu a, NOTA-ah vote tla 3 awmin Kamalanagar West by-election ah hian Vote 1537 a tla a ni.

CADC hi Governor thuneihna hnuaiah Lawngtlai DC enkawlna hnuaia awmlai a ni a, Elected Seat 20 awmah ZPM in MDC 17 neiin BJP in MDC pahnih leh MNF in MDC pakhat an nei ta a ni.