Nu leh pa ten an fate School kal tir dawn lo

Chhiahtlang Senior Secondary School-a Principal Incharge ruat chungchanga lungawi lovin he School-a zirlai nu leh pa te chuan Vawiin, August 11, 2025 atang hian an fa te School an kal tir dawn lo tih an sawi.
    Chhiahtlang-a MSU leh MZP bakah Zirlai nu leh pa te Inrinni zan (August 9, 2025)-a thukhawm chuan thuchhuah siamin Chhiahtlang khuain Samagra Shiksha hnuaia Chhiahtlang Senior Secondary School an neih mekah Principal Incharge ni lai V. Lalmalsawmi chu Explanation Call awm miah lova Principal Incharge a nihna hlihsak a nih chungchangah thuneitute dawr-a hun engemaw chen an nghah hnuah chhanna pek theih an nih loh avangin Vawiin, August 11, 2025 atangin thu leh awm hma chu nu leh pa ten an fate School an kaltir dawn lo tih an sawi a. V. Lalmalsawmi hian Principle In-Charge la leh ngei se an duh thu pawh tarlangin, Explanation Call pawh awm miah loa hetianga Principal Charge lakna in hlihsak tawp mai hi hun kal zel turah School tan leh Charge la lehzel tur tan pawh a tha dawn lo nia an hriat thu an sawi a ni.