Thenzawl in ‘Peace City’ atana tawiawmna an ngen
Thenzawl Joint VC huaihawtin Inrinni khan Thenzawl-a VC, NGO leh Political Party hrang hrangte chu Thenzawl Bazar Veng-a Vantawng Group YMA Run-ah thukhawmin Mizoram sawrkarin Thenzawl khuaa ‘Peace City’ din tura a ruahman mek an sawiho a, he hmalakna hi lawmawm an tih thu leh theihtawp a thlawp an tum thu sawiin, Peace City khuh hawnna hun pawh Thenzawl khua ah ngei Bialtu MLA leh Chief Minister ho a neih nise an ti a. “Pathian in Mizote chenna tur ram min pe a, Zofate tana hmun him, Aizawl atanga hla lo, Aizawl khawpui nena tangkawp thei tur Khawpui neih belh hi kan State hian a mamawh hle’ tiin hemi atana Survey-na tur cheng vbc. 10 sanction a ni leh UD&PA Department kaltlanga bawhzui tura umzuina ah te lawmthu an sawi bawk a ni.