Naupangte venhimna leh hmasawnna atan hma la nasa
Thudawn danin sawrkar kum liamta, April 2024 atanga March 2025 chhung khan Serchhip District-a Child Welfare Committee (CWC) chuan naupang harsatna hrang hrang nei kaihhnawih ah thubuai ziahluh 80 zet an nei a, hemi chhung vek hian naupang kum tling lo dan zawmlo te chungchang ngaihtuahtu, Juvenile Justice Board (JJB) pawhin thubuai 19 an ziaklut bawk a, heng te hi a theih ang anga chinfel a ni. Sawrkar kum liamta chhung vek khan Serchhip-a Child Helpline Unit chuan harsatna tawk te atangin Phone Call tum 46 an dawng a, Childrens Home-a dahluh mi 13 leh Observation Home-a dahluh mi 12 an awm a, harsatna hrang hrang tawk mi 33 te Counselling pek an ni a, heng zinga mi 25 chu naupang niin midang 8 te chu naupang nu leh pa leh anmahni enkawltu te an ni thung.
Hemi hun chhung vek hian District Child Protection Unit (DCPU) Serchhip chuan naupang te venhimna leh humhalhna chungchangah tum 80 lai Awareness Campaign neiin Training pawh tum 7 an huaihawt bawk a, harsatna tawk nau-pang mi 110 te chu Sponsorship pek niin heng mite hi thla tin Rs. 4000/- zel pek thin an ni a, he sum hi naupangte ei leh in, zirna leh damdawi man bakah an thanlenna atana mamawh leina tura ruahman a ni.