MNF MLA pathum ten Dampa Bial an tlawh

MNF Party-a MLA pathum te chuan tunkar Thawhlehni atanga nimin thleng khan Dampa Bial chhunga khaw hrang hrang tlawhin Dampa Bial mipuite chu an theih anga tanpui zel an tum thu an sawi. MLA boralta Lalrintluanga Sailo Bial Dampa Bial hi MNF MLA, Er. R. Rohmingliana, Rasik Mohan Chakma leh Prova Chakma-i te chuan tunkar Thawhlehni atang khan tlawhin tun tumah hian Dampa South Block huamchhunga khaw hrang hrang an tlawh a, heng MLA te hian tun dinhmunah Dampa Bial-in Bialtu MLA nei rih lo mah se an theih ang angin Dampa Bial mipuite chu buaipui a, tanpui zel an tum thu an sawi a. An bialtu MLA thin Lalrintluanga Sailo anga Bialtu MLA tha an neih leh ngei an beisei thu an sawi bawk a ni.