MSPMC in Working Women Hostel sak mek an enfiah

Mizoram State Project Monitoring Committee (MSPMC) chuan niminpiah khan Aizawl Khatla leh ITI Veng-a Working Women Hostel sak mek te chu a hmunah tlawhin hnathawh dan an enfiah a. Heng Project pahnih te hi SASCI 2024-2025 sum hmanga thawh niin Construction of Working Women Hostel, Khatla, Aizawl Project hi Agreement Amount chu cheng vbc. 24.31 niin hna tan a ni deuh chauh a. A hmun laih rem vel hna thawh mek niin hna thawh tawh chin hi 2% vel a ni a. He Hostel hi mi 140 leng tura duan niin May, 2026-a zawh hman tur a ni.

Construction of Working Women Hostel, ITI hi ITI Veng-ah sak niin Agreement Amount chu cheng vbc. 14.48 a ni a, Building hi chhawng sarih (7) tura duan niin tunah hian chhawng nga (5) chin sak rih phawt tura tih a ni a. He Hostel hi mi sawm sarih (70 bedded) awm theihna tura ruahman a ni a, May, 2026-ah zawh hman tura ruahman a ni bawk.