Mizoram Legislative Assembly member boral ral

Mizoram Legislative Assembly-a member nilai boralta Dampa Bialtu MLA Lalrintluanga Sailo chu nimin khan Mizoram Legislative Assembly Member-te chuan ralna hun hmangin Death Gratuity hlanna hun hman nghal a ni.

Kumin July 21-a boralta Dampa Bialtu MLA Lalrintluanga Sailo ralna hun Aizawl Luangmual-a an chenna In-a neih hi Assembly Speaker Lalbiakzama chuan kaihruaiin Home Minister K. Sapdanga chuan Hunserh a hmang a, Mizoram Legislative Assembly-a Addl. Secretary Lalthangmawia chuan Section 16 of the Mizoram Salaries, Allowances and Pension of MLA Act, 1999 angin Lalrintluanga Sailo nupui, Lalbiakthuami hnenah Death Gratuity cheng nuai 15 a hlan a. He hunah hian Assembly Deputy Speaker Lalfamkima, Leader of Opposition Lalchhandama Ralte, Dr. K. Beichhua MLA leh C. Ngunlianchunga MLA te pawhin thlahna thu an sawi bawk a ni.

Dampa Bialtu MLA boralta Lalrintluanga Sailo hi Zote khaw Lal ni thin, Lalnguauva Sailo leh Lalhmingliani te fapa niin June ni 13, 1960 khan Durtlang Hospital-ah a piang a, kum 16 mi a nihin India laka zalenna sualtu, MNF zawmin hnam Sipai-ah a tang a, remna leh muanna a lo awm tak hnuin khawtlang enkawlna lamah inhmang zui nghalin kum 1990 khan MNF Ticket-in Luangmual Village Council Member atan thlantlin a ni a, Village Council President ni nghalin Village Council-ah hian Term 4 chhung zet thlantlin niin Term 3 chhung VCP a ni a. Kum 2018 leh 2023 Assembly inthlanpuiah te Dampa Bial atangin MLA atan thlantlin a ni tawh bawk a ni.