LADC leh AMC Roll ennawn

Lai Autonomous District Council (LADC) term kal lai chu kumin December 18 khian a tawp dawn avangin inthlanna nei turin inbuatsaihna kalpui mek a ni a, hemi atan hian State Election Commission, Mizoram chuan kumin January ni 1-a kum 18 tling chin te lain Electoral Roll ennawn hna a thawk tan a. Hemi atan hian kumin August 20 khian Draft Electoral Roll tarchhuakin hming thun thar, paih leh siamthat ngai te tan Sept. 4 thlengin dilna thehluh theih a ni anga, heng te hi enfiaha chinfel a nih hnuah September 30 khian Final Electoral Roll tarchhuah a ni ang.

Aizawl Municipal Corporation (AMC) term kallai pawh February ni 16, 2026 hian a tawp dawn avangin Electoral Roll ennawn hna pawh thawh tan a ni dawn bawk a, Sept. 24-ah Draft Electoral Roll tarchhuakin Oct. 25, 2025 thlengin hming thun thar, paih leh siamthat ngai te tan dilna thehluh theih a ni anga, heng dilna te hi enfiah a nih hnuah December 8-ah Final Electoral Roll chu tarchhuah a ni ang.