Minister in DCSO Office tlawh

Serchhip-a India Independence Day lawmna hmanpui tura rawn kal Supply Minister B. Lalchhan-zova chuan nimin khan Serchhip DCSO Office tlawhin thawktute nen an inkawm.
District Civil Supply Officer (DCSO) Office a tlawhna ah hian Supply Minister chuan thawktute chu an hna a rinawm tur leh phur taka thawk thin turin a chah a. Monsoon Stock an lo inlak khawl hma avangin Fur khaw chhe karah pawh buhfai-ah harsatna nei lova an awm chu thawktute inpekna vang a ni tih a sawi a. Supply Department a thawktute laka mipuite thikthu chhiat chhan chu mipui mamawh khawih an nih vang a nih thu sawiin, DCSO Office mamawh leh tul te chu a theih anga buaipui chhoh zel a nih tur thu a sawi bawk.

Supply Minister chuan Kudam atanga buk dik taka buhfai pekchhuah a nih theih nan Digital Weighing Scale chu Kudam zawng zawnga dah tum a ni tih a sawi a. Khawl hi chah mek a nih thu leh hei hi mipui ah buhfai buk tling a thlen ngei theih nana hmalakna pawimawh a nih thu a sawi bawk.

He hunah hian Minister hi FCS&CA Secretary Teresy Vanlalhruaii leh Joint Director Lalthanmawia ten an tawiawm a ni.