Leitha chungchang sawiho

Nimin khan Serchhip-a District Vigilance Committee on Fertilizer chu an Chairman leh Bawrhsap Paul L. Khuma kaihhruaiin an thukhawm.
He thutkhawm Serchhip DC Meeting Hall-a neih ah hian Bawrhsap chuan District chhunga Fertilizer te tha taka khuahkhirh a nih a, dan lova sumdawn nana hman a nih loh nan tanlak a tul thu a sawi a. Fertilizer Inspector V. Lalhriatpuii chuan tunlai hian dan kalha Fertilizer tawlhruk a tam thu leh Myanmar ramah an lalut nasa nia hriat a nih thu a sawi a. Ramri-ah buaina a awm avangin Zokhawthar atanga kal lovin Serchhip paltlangin Siaha leh Lawngtlai kawng an zawh nasat avangin fimkhur a ngaih thu a sawi a. Kan District-ah Fertilizer Dealer panga awmin, an Allotment hmuh zawng zawng District chhunga Famers te hnena hralh tur an nih avangin hmundanga hralhchhuah chu dan kalh a nih thu a sawi a ni.

He Meeting hian Serchhip District kaltlanga dan lova leitha hralh a nih loh nan SP, Assam Rifles, BSF ten hma la turin an rel a. Dealer ten leitha an hralh dan endik tur leh an kudam te endik thin turin Special Squad din a ni a, he Squad-ah hian Fertilizer Inspector, AMFU, Taxation Department leh Police aiawhte an tel a ni.