DC in Treasury a endik

Serchhip District Bawrhsap Paul L. Khuma chuan nimin khan Serchhip-a District Treasury Office chu a enfiah.Central Treasury Rules in a phut angin District Bawrhsap te hian Treasury enfiahna hi kumkhat ah vawi khat an nei thin tur a ni a, hemi ang hian Serchhip Bawrhsap hian Serchhip P&E Veng-a District Treasury Office chu tlawhin Treasury Strong Room vawn dan chu a him tawk bakah Central Treasury Rules-in a phut anga vawn a ni em tih a enfiah a. Bill Section leh Compilation Section ten register leh accounts hrang hrang an vawn dan te chu Rules leh Order nen a inmil em tih a enfiah a. IFMIS-a Bill processing leh payment portal hrang hrang te a enfiah bawk a ni.